Icona calendario 03-06-2025
Iconaalert 08:30-14:30
Icona ubicación Praza Maior, 32005 Ourense

Anterior

Listaxe

Seguinte
#Educacion

Máis de 1.600 escolares aprenden a prestar primeiros auxilios coa actividade “Salvar vidas xuntos”, que organiza o Concello

30 de maio de 2025 - 13:07

A concelleira Tamara Silva visitou a actividade no CPR Concepción Arenal, un dos 28 centros educativos nos que se desenvolve

Un total de 1.643 escolares aprenden a prestar primeiros auxilios coa actividade “Salvar vidas xuntos”, que organiza a Concellería de Educación do Concello de Ourense. A concelleira Tamara Silva asistiu o pasado xoves, 29 de maio, ao desenvolvemento desta actividade, no CPR Concepción Arenal, un dos 28 centros de ensino nos que se leva a cabo durante este curso.

Cada sesión consta dunha parte teórica e doutra práctica, na que o alumnado participa activamente na simulación de diferentes situacións, que inclúen fundamentalmente 4 contidos: primeiros auxilios, actuacións no caso dun accidente no fogar, que non se debe facer! e técnicas de reanimación cardiopulmonar (RCP).

A actividade está dirixida a alumnado de 6º curso de Educación Primaria, Secundaria, Bacharelato e Ciclos Formativos, e está incluída no programa de Educación viaria, prevención e seguridade, que desenvolve o Concello durante este curso escolar.