O goberno entrégalles aos grupos municipais a documentación sobre o imposto de circulación para o pleno do vindeiro 29 de xullo

O goberno municipal entregoulles aos grupos políticos municipais os datos sobre o Imposto de Vehículos de Tracción Mecánica (IVTM), o imposto de circulación, para o debate sobre a rebaixa fiscal que terá lugar o vindeiro 29 de xullo en sesión plenaria extraordinaria. Coa proposta de redución do 40% que impulsa o goberno municipal cada propietario de vehículo aforrará unha media de 60 euros no recibo anual.

O parque móbil da cidade de Ourense conta a día de hoxe con 71.678 vehículos, dos que 17.448 están exentos de cota. Con estes datos, o Concello recadará 4.774.982,36 euros neste exercicio. Coa rebaixa, produciríase unha redución de 2 millóns de euros na recadación municipal.