O Concello reporá, desde este luns día 8, o pavimento de pedra na rúa San Francisco

O Concello comezará este luns, día 8 de novembro, a reposición do pavimento de lousas de pedra na rúa de San Francisco, na zona da intersección coa baixada á praza de Arturo Pérez Serantes. Os traballos prolongaranse durante toda a semana, e non será preciso cortar esta rúa ao tráfico de vehículos nin ao de persoas.

Porén, a conexión entre a rúa San Francisco e a praza de Arturo Pérez Serantes permanecerá pechada durante o prazo de tres semanas, o tempo preciso para o curado dos materiais empregados na restauración do lousado.