Concello
Información de la organización y estructuración del Concello
Áreas
Información da división en áreas municipais que forman o Concello
Actualidad
Información de noticias, próximos eventos, notas de prensa...
Ciudadanía
Información referente ás vias de contacto co Concello e a posiblidade de transladar incidencias, sugerencias...
Compartir facebook
Compartir twitter
Compartir whatsapp
Compartir telegram
Anterior
Listado
Siguiente
26 de Agosto de 2019 - 10:50
O alcalde de Ourense, Gonzalo Pérez Jácome mantivo esta mañá unha xuntanza co presidente, Rafael Castro, e o secretario, Abel Mares da delegación en Ourense do Colexio Arquitectos de Galicia para avanzar no proxecto de reforma das marxes do río Miño ao seu paso pola cidade. Concello e Colexio traballan da man para a próxima convocatoria dun concurso de ideas para que profesionais da arquitectura e da enxeñaría presenten as súas propostas para poñer en valor as ribeiras do río.
Esta é a segunda xuntanza que alcalde e colexio manteñen co obxectivo de “ultimar ese gran proxecto que queremos facer: a reforma da ruta termal que temos de 12,3 km á beira do río, sinalou o alcalde. Neste senso, dixo: “Vivimos de costas ao río e cada vez queremos acercarnos máis”. Pérez Jacome avanzou que o obxectivo do goberno municipal é que a obra se poda acometer no presente mandato.
Pola súa banda, Rafael Castro adiantou que o Colexio de arquitectos comezará a traballar xa cos técnicos do Concello para poñer en marcha o concurso. “É unha idea moi positiva para a cidade e temos que plasmar os nosos esforzos para que se presenten o maior número de equipos posible, que recibamos proxectos da maior calidade para que o resultado sexa o óptimo para a cidade”, asegurou o presidente de delegación ourensá do Colexio de Arquitectos.