Praza Maior 1        988 388 100

Atopar
Buscador Concello de Ourense

Goberno

O tradicional mercado de antigüidades, que se celebra o primeiro domingo de cada mes, celebra este domingo día 17 de decembro unha nova cita extraordinaria no marco da programación do Nadal. Así, o mercado celebrarase en horario ininterrompido de 10:00 a 20:00 horas con presenza de 32 comerciantes autorizados que ofertarán os seus produtos ao público.

Para amenizar o evento, a agrupación folclórica Queixumes dos Pinos realizará senllas actuacións: a primeira, ás 12:30 horas; a segunda, pola tarde, ás 18:30 horas. Trátase de dinamizar a vida social da cidade nun dos espazos con máis vida: a Praza Maior. É só unha das máis de 250 actividades previstas dentro da campaña de Nadal do Concello de Ourense.

Ademais do mercado, as actividades previstas para o domingo son:

  • Música: Priscila Versións para o Nadal, no barrio de San Francisco ás 13:00 horas; concerto de Emilio Rúa na igrexa de Fátima ás 20:00 horas; e só media hora despois, na igrexa de Santa Eufemia, a XXIII edición do Certame de Vilancicos e Panxoliñas ás 20:30 horas.
  • Programación Infantil: ás 11:00 horas, taller de reciclaxe: Crea os Teus Adornos e Xoguetes no Botánico de Montealegre; e, desde as 19:00 horas no Auditorio, o espectáculo Voos, de Aracaladanza.
  • Deportes: A piscina Rosario Dueñas do Pavillón dos Remedios acollerá, de 10:00 a 14:00 horas, o Festival Nadal Acuático de Natación sincronizada.
  • Todos os públicos: O BOX dos desexos estará, de 10:00 a 20:30 horas, na rúa Vicente Risco do barrio da Ponte.

O Concello de Ourense resérvase o dereito a comprobar a identidade do remitente antes de proceder a responder á mensaxe. Ao enviar a consulta, está aceptando a Política de Protección de Datos de Carácter Persoal indicada na Nota Legal deste sitio web. Indicarlle que recibirá a consulta realizada na conta de correo electrónica indicada no formulario. Grazas pola súa colaboración.