Praza Maior 1        988 388 100

Atopar
Buscador Concello de Ourense

Goberno

O Auditorio de Ourense inicia este venres con Estrazalonia , teatro para bebés a cargo da compañía O baúl da tía Tola (pases ás 18 e 19 horas), a Programación Infantil para o segundo semestre de 2017, organizada pola Concellería de Cultura cun reto firme: “Que o Auditorio sexa punto de encontro para as familias e porta de acceso de nenos e nenas ao mundo das artes escénicas”, en palabras do alcalde, Jesús Vázquez.

Son un total de 21 propostas con propostas para cativada “de todas as idades, teatro para bebés, circo, danza, teatro de monicreques, musicais, e mesmo unha ópera infantil, xa que acolleremos a representación de A frauta máxica”, explicaba o rexedor, “un clásico que chega a Ourense logo de ser elixido como o mellor espectáculo familiar do ano 2016”.

Porén, cómpre destacar as estreas absolutas de Contacreques, de Eme2, Os golfiños e o xigante, de Fantoches Baj, Auguratrat, de Pérez & Fernández, ou Planeta Ardora, de Trompicallo. No apartado menos tradicional, so nmoi salientables as propostas de Aracaladanza, co espectáculo Voos, e de Asacocirco con BB Circus.

“Achegamos a Ourense o mellor teatro, que ten ademais un dobre valor: recibe espectadores hoxe e ao tempo forma espectadores para o día de mañá”, confirmaba Vázquez Abad. “Os tempos cambian, as xeracións mudan”, dixo, “mais hai elementos imprescindibles na formación dos nosos cativos.”

Ademais do rexedor, a presentación do programa contou coa presenza da concelleira de Cultura, Belén Iglesias, da delegada da Xunta de Galicia en Ourense, Marisol Díaz, e do director da Agadic, Jacobo Sutil, quen felicitou o Concello de Ourense “por como coida a programación e pola promoción que fai da cultura”. O departamento que dirixe colabora nesta programación a través da Rede de Teatros e Auditorios, grazas á que se desenvolverán un total de 539 espectáculos en toda Galicia.

Bono á Carta

A venda de estradas para todos os espectáculos pódese facer a través de www.ataquilla.com, na sala Afundación de Ourense (praza Maior 4) ou na billeteira do Auditorio dúas horas antes da función. Ademais, o Auditorio pon á disposición do público a posibilidade de mercar 5 entradas cun desconto do 20% para planificar mellor o lecer en familia a un mellor prezo.

O Concello de Ourense resérvase o dereito a comprobar a identidade do remitente antes de proceder a responder á mensaxe. Ao enviar a consulta, está aceptando a Política de Protección de Datos de Carácter Persoal indicada na Nota Legal deste sitio web. Indicarlle que recibirá a consulta realizada na conta de correo electrónica indicada no formulario. Grazas pola súa colaboración.