Praza Maior 1        988 388 100

Atopar
Buscador Concello de Ourense

Goberno

A cidade de Ourense celebrará este domingo, día 2 de abril, a tradicional festa de San Lázaro, que cada ano, quince días antes da Semana Santa, marca a benvida da primavera.

Durante a xornada do sábado, 1 de abril, e o domingo, 2, estarán instalados arredor do Parque de San Lázaro, os postos de rosquillas e lambetadas, tradicionais desta celebración

As actividades propias da festa serán o domingo. Ás 11.45 h haberá alborada cos gaiteiros "Gomes Mouro" e cabezudos polas rúas do Paseo, Santo Domingo e parque San Lázaro.

Ás 13:00 horas será a Queima das madamitas a cargo da Pirotecnia Josman.

O Concello inviste nesta festividade un orzamento total de 5.170 euros.

En canto aos actos litúrxicos, haberá misa na honra de San Lázaro, ás 11 da mañá na igrexa parroquial de Sto. Domingo e de seguido a procesión ata a Conventual dos PP. Franciscanos, aos que asistirá a Corporación Municipal.

Barrio do Peliquín

O barrio do Peliquín tamén celebra o San Lázaro, desde que na década dos anos 80 a igrexa que estaba no Parque de San Lázaro foi levada e reconstruída en Peliquín.

O sábado, 1, a partir das 21:30 horas, haberá verbena coa Orquestra La favorita, e o domingo, 2 pasarrúas cun grupo de gaitas, misa e procesión, e ás 18:30 horas baile infantil e ás 21:30 horas, festa co grupo Aramio.

O Concello de Ourense resérvase o dereito a comprobar a identidade do remitente antes de proceder a responder á mensaxe. Ao enviar a consulta, está aceptando a Política de Protección de Datos de Carácter Persoal indicada na Nota Legal deste sitio web. Indicarlle que recibirá a consulta realizada na conta de correo electrónica indicada no formulario. Grazas pola súa colaboración.