Praza Maior 1        988 388 100

Atopar
Buscador Concello de Ourense

Goberno

A mellora da mobilidade urbana é un dos grandes empeños do Goberno Municipal. Tendo en conta que moitas das eivas neste aspecto se dan en vías que non son de titularidade municipal, o Concello de Ourense solicita colaboración as restantes administracións para conseguir itinerarios seguros e accesibles. Así, froito desta cooperación institucional, a Xunta estima as peticións formuladas polo Concelo de Ourense, e acometerá reparación de baldosas en 11,55 km de beirarrúas que son de titularidade autonómica.

Así o confirmou a conselleira de Infraestruturas, Ethel Vázquez, nunha reunión de traballo co alcalde, Jesús Vázquez, na que tamén participaron o concelleiro José Araújo, o director da Axencia Galega de Infraestruturas, Francisco Menéndez e técnicos do Concello e da Consellería. O orzamento de licitación destes traballos, que asumirá a Consellería de Infraestruturas, ascende a 60.303,01 euros.

"A colaboración da Xunta é primordial para conseguir solucionar un problema que sufrimos a diario os peóns desta cidade, algo polo que agradezo a sensibilidade e a disposición da Consellería de Infraestruturas, personificada na súa titular, Ethel Vázquez, á hora de atender as demandas que lle formulamos desde o Concello", sinala o alcalde, Jesús Vázquez.

As rúas

As rúas nas que se acometerá a reparación de baldosas deterioradas serán Isaac Piñeiro, Emilia Pardo Bazán, Concordia, Progreso, Río Arnoia, Sánez Díez, Bispo Lourenzo, Velázquez (entre Castro Canseco e Remedios) e Granxa, así como as avenidas de Coruña, Bos Aires, Zamora, As Caldas e Celanova.

As actuacións consistirán en solucionar as deficiencias detectadas nas beirarrúas e mellorar a seguridade vial. Así, nas zonas onde se observan losetas en mal estado (rotas ou soltas), reporanse por outras novas. Onde esté a beirarrúa deteriorada, demolerase a superficie y reporase o novo pavimento. Tamén se actuará onde se detecten defectos en materia de accesibilidade, refacendo rebaixes e reforzando tamén a visibilidade en pasos peonís.

O Concello de Ourense resérvase o dereito a comprobar a identidade do remitente antes de proceder a responder á mensaxe. Ao enviar a consulta, está aceptando a Política de Protección de Datos de Carácter Persoal indicada na Nota Legal deste sitio web. Indicarlle que recibirá a consulta realizada na conta de correo electrónica indicada no formulario. Grazas pola súa colaboración.