Praza Maior 1        988 388 100

Atopar
Buscador Concello de Ourense

A Concellería de Educación do Concello de Ourense axudará á conciliación das familias ourensás durante as vacacións escolares de verán cun programa de actividades para nenos e nenas que se desenvolverán en colexios, bibliotecas municipais e Aula de Natureza. O Concello oferta este ano 600 prazas para rapaces e rapazas con idades comprendidas entre os 4 e os 12 anos, que poderán participar en actividades de marcado carácter educativo, en diferentes zonas da cidade. Unhas actividades que “son unha prioridade” para a Concellería de Educación, asegura a edil Belén Iglesias, “xa que o noso principal obxectivo é o de prestar servizos que sexan realmente útiles á cidadanía sen cargar nas economías familiares”.

ACTIVIDADES DURANTE O MES DE XULLO EN CATRO CEIPS DA CIDADE: MESTRE VIDE, O COUTO, A PONTE E IRMÁNS VILLAR

Nº Prazas: 300

Dirixido a: Alumnado de Educación Primaria

Horario: de 8.30h a 14.30h

Contido: Monitores e monitoras especializados realizan múltiples actividades de carácter lúdico e educativo (obradoiros, xogos, deportes, inglés, saídas didácticas...)

ACTIVIDADES EN XULLO E AGOSTO: NAS BIBLIOTECAS MUNICIPAIS: A PONTE, A CARBALLEIRA, SAN FRANCISCO E O COUTO

Nª Prazas : 200

Dirixido a: nenos e nenas de 4 a 10 anos

Horario: De 10.30 a 13.00h

Contido: Actividades de Animación á Lectura

ACTIVIDADES EN XULLO E AGOSTO: AULA DA NATUREZA DE OIRA

Nº Prazas: 100

Dirixido a: Alumnado de Educación Primaria

Horario: De 10.00 a 13.00h e polas tardes de luns a xoves de 16.30h a 19.00

Contido: Actividades relacionadas coa Natureza, saúde e medio ambiente

 

Inscricións. As inscricións para as actividades que se desenvolverán nos CEIPS e na Aula da Natureza poden realizarse nas dependencias da Concellería de Educación do 1 ao 15 de xuño en horario de 8.30 a 14.00h e terán un custo de 10€ para un fillo ou filla e 5€ para cada un dos irmáns.

As inscricións para asistir ás Bibliotecas Municipais faranse nas propias bibliotecas e serán gratuítas.