Praza Maior 1        988 388 100

Atopar
Buscador Concello de Ourense
O Concello de Ourense e a entidade que que xestiona o ciclo da aua en Ourense, Viaqua, veñen de asinar un importante convenio de colaboración en materia social. Un total de 24 usuarios do programa de inserción laboral Imedra da Concellería de Asuntos Sociais poderán beneficiarse de actividades formativas destinadas á consecución do permiso de conducir tipo B, clave para optar a un emprego.

Dotado con 5.700 euros, o programa formativo “está destinado aos coletivos en risco de exclusión social, e permitirá dotalos de competencias para a empregabilidade”, en palabras do alcalde de Ourense, Jesús Vázquez, presente na sinatura do convenio entre a responsable de Asuntos Sociais, Sofía Godoy, e o director de Viaqua, Julio Masid.

Liñas de colaboración formativas e sociais

Esta non é a primeira vez que Viaqua e Concello de Ourense colaboran en actividades sociais e formativas, unha liña de actuación moi beneficiosa para a cidade. A limpeza da marxe dereita do río Miño a través dunha xornada de voluntariado, ou os ciclos sobre o ciclo da auga desenvolvidos en La Molinera son só algúns exemplos desta frutífera colaboración.

O último deles, a pioneira iniciativa Arquimakers Kids, pretende dotar de recursos informáticos os máis pequenos -cativos de 8 a 12 anos- á vez que concienciar sobre a importancia da auga no desenvolvemento futuro das cidades, xa toma forma no centro de coñecemento.