Praza Maior 1        988 388 100

Atopar
Buscador Concello de Ourense

Turismo e Termalismo

Áreas

Ourense, destino turístico

Cimborrio de la catedral de Ourense
 
Ourense naceu como Aquis Auriensis, a cidade do ouro e a auga. Así foi chamada polos romanos, que hai dous mil anos fundaron nesta zona un primitivo asentamento ao pé das Burgas,as fontes nas que aínda hoxe continúa manando a auga máis de 60oC. Desde as súas orixes a cidade viviu nunha estreita relación coas súas augas termais, que aquí acadan un dos maiores caudais de toda Europa.

Estas mananciais, agasallo da Natureza, son sen dúbida un dos principais atractivos turísticos de Ourense: ben sexa no centro histórico ou nas marxes do río Mio, calquer momento do día é bo para gozar dun baño quente ao aire libre nalgunha das súas instalacións, sexa inverno ou verán.

Pero Ourense é moito máis que auga, é un destino que sorprende a quen nos visita. Situado nunha encrucillada natural de camiños e cunha paisaxe debuxada polo curso dos ríos, a cidade tivo sempre unha vontade de proxección cara ao exterior que se traduce no sentido da hospitalidade que caracteriza as súas xentes.

Nas praciñas e ruelas do seu Centro Histórico, un fermosos laberinto construído en pedra, pálpase ben ese carácter amable, con animadas terrazas á sombra de monumentos como a Catedral de San Martiño, o Antigo Pazo Episcopal ou o Pazo Oca ­ Valladares (hoxe, o Liceo).

A súa apretada axenda cultural, a variada oferta comercial e a súa magnífica gastronomía acaban de perfilar unha cidade que destaca pola súa calidade de vida e cautiva aos seus visitantes.

Propostas para coñecer Ourense

 Amplía información e planifica a tua viaxe en www.turismodeourense.gal

Documentos

Presentación do proxecto dun hotel na rúa Reza

Ourense contará cun novo hotel de 25 habitacións, con dúas delas tipo suite, e catro estrelas. Terá piscina termal, ximnasio, salas de reunións e xardíns.

Logo de Sabores de Ourense

O salón de plenos do Concello de Ourense acolleu na tarde do 17 de novembro o acto de entrega dos premios da décima edición do concurso de pinchos Sabores de Ourense – edición Outono 2017 que organiza a Concellería de Turismo e Termalismo coa Unión de Hosteleiros de Ourense (UHO). A Cuqueira da Lourdes, Atarazana e A saia da Carolina elaboraron os tres pinchos gañadores desta edición, na que participaron un total de 46 establecementos da cidade.

Asamblea Xeral da Rede de Cidades AVE

A Rede de Cidades AVE celebrou no Concello de Sevilla, cidade que ostenta a súa Presidencia, unha reunión técnica e a súa Asemblea Xeral (martes 14 e mércores 15 de novembro, respectivamente), nas que os membros dos diferentes destinos da Rede fixeron balance das accións despregadas durante 2017

Sabores de Ourense

O concurso de pinchos “Sabores de Ourense” xa ten gañadores na súa edición de outono 2017. Esta tarde tivo lugar a xuntanza do xurado profesional desta décima edición do certame ourensán, que se desenvolveu desde o día 31 de outubro ata o pasado domingo, 12 de novembro, organizado pola Concellería de Turismo e Termalismo do Concello de Ourrense e a Unión de Hostaleiros de Ourense.

Presentación da campaña "Ourense un plan perfecto".

O Museo Municipal acolleu o acto de presentación da campaña de promoción turística de Outono 2017, financiada con cargo ao convenio de promoción turística do Concello de Ourense coa Xunta de Galicia. Desenvolverase fundamentamente en medios online sobre dous eixos, gráfico e audiovisual, con publicidade nas principais redes sociais (Youtube, Facebook, Instagram), as principais plataformas de televisión online en España (Mitele e A3Player) e magazines online especializados.

Presentación do acordo entre o Concello e Logitravel

O Concello de Ourense, a través da Concellaría de Turismo e Termalismo, e o Grupo turístico Logitravel axuntan esforzos para promocionar a cidade de Ourense cun atractivo produto que se centra en ofrecer unha viaxe personalizada e empaquetado en tren Ave + hotel + coche + actividades. Unha iniciativa pioneira no sector coa que o Concello e Logitravel buscan acompañar ao viaxeiro durante todo o proceso da viaxe, co fin de ofrecerlle unha experiencia completa e única.

Concurso Sabores de Ourense

O Gastro-Bar Sanmiguel é galardoado co primeiro premio do Concurso de pinchos de primavera Sabores de Ourense. O luns 15 de maio procederas e entrega de premios no Salón de Plenos do Concello, onde se darán a coñecer a maiores os gañadores dos 3 premios do público, o premio da aplicación “Sabores de Ourense” e máis o premio especial celíacos.

Cartel do concurso de pinchos

Do 27 de abril ao 7 de maio volven os Sabores de Ourense, unha nova edición do Concurso de Pinchos na súa versión máis primaveral: 41 pinchos a concurso, pequenas delicias elaboradas con produtos de tempada e de produción local e integrada. Faite co mapa da ruta, elixe os teus favoritos, proba, saborea e non esquezas votar polo que máis che guste. Tedes 15 días para probalos todos a un prezo redondo, non máis de 2,50 €

Oficina de Turismo de Ourense

A Semana Santa en Ourense volveu deixar as excelentes cifras de turistas de 2016, cun milleiro de persoas atendidas nas Oficina de Turismo municipal no período do 13 ao 16 de abril. “Cos establecementos hoteleiros e hostaleiros colgando o cartel de cheo total, a percepción das rúas e terrazas, así coma dos principais enclaves turísticos desta cidade, a semana santa foi dun éxito total”, dixo o alcalde de Ourense, Jesús Vázquez.

Claustro de San Francisco

O Claustro de San Francisco abrirá co seu horario habitual o xoves e venres desta semana, malia ser días festivos. O recinto abrirá en horario de de 11.30 a 13.30 horas, pola mañá, e de 17:00 a 20:00 horas pola tarde. O resto das semana, o claustro gótico manterá os seus horarios habituais: sábado de 11:30 a 13:30 horas e de 17:00 a 20:00 horas e domingo só pola mañá (de 11:30 a 13.30 horas). O luns permanecerá pechado, como é habitual, por descanso do persoal.