Praza Maior 1        988 388 100

Atopar
Buscador Concello de Ourense

Sanidade

Áreas

A aula municipal de cociña do Concello de Ourense (situada na rúa Vasco da Ponte, 1), acollerá desde o luns, 3, ata o 21 de abril, a "Semana do Mar de Ourense", conformada por un programa de actividades que teñen como finalidade promocionar e dar a coñecer a calidade dos produtos galegos do mar.

Esta iniciativa, organizada pola Xunta de Galicia e o Concello de Ourense, está dirixida a restauradores, peixeiros e consumidores en xeral, así como a escolares de Educación Primaria, con actividades específicas para eles. 

Cociñeiros de prestixio como Flavio Morganti, Emma Pinal e Héctor López realizarán showcookings, onde se servirán tapas degustación.

Tamén haberá obradoiros dirixidos a nenos de Primaria e, como novidade nesta edición, escolares de dous centros educativos participarán nunha excursión “O sabor da aventura está no mar”, na que visitarán a Lonxa de Canido e o Museo do Mar.

As actividades comezarán o luns, ás 18:00 horas, coa charla coloquio “Do mar ao prato, manipulación e limpeza do peixe”, de Ardora Formación e Escenoset, e un showcooking de Flavio Morganti, do restaurante Galileo. Serviranse 3 tapas degustación de produtos do mar.

Programa completo de actividades (pdf)