Praza Maior 1        988 388 100

Atopar
Buscador Concello de Ourense

Educación

Áreas

Un total de 10 centros escolares da provincia de Ourense participarán nunha nova edición das Tertulias Literarias organizadas pola Concelllería de Educación e pola Deputación de Ourense. O programa divídese en dúas partes, unha primeira en galego, os días un e dous de febreiro no Liceo, e outra en castelán, o 26 e 27 de abril. As obras escollidas para cada caso son As horas roubadas, de María Solar, e El desorden que dejas, de Carlos Montero.

Na presentación das actividades, na sala de xuntas da Deputación, estiveron presentes a concelleira de Educación, Belén Iglesias, o vicepresidente da Deputación, Rosendo Fernández, o deputado de Cultura da institución provincial, Manuel Doval, e a técnica de Educación, Sara Dacal.

A titular de Educación salientou que este programa “é unha oportunidade perfecta para combinar compresión lectora, expresión oral, e socialización entre iguais”, dixo, ademais de “celebrarse nun lugar coma o Liceo, que transpira Cultura polos catro costados”.

Do mesmo xeito, todos os presentes destacaron a “oportunidade de que os alumnos poidan confrontar a lectura cos propios autores”. Así, a autora María Solar estará o mércores un de febreiro -desde as 18:00 horas- na tertulia do Liceo acompañando os escolares procedentes dos IES Couto, Prieto Nespereira, Ferro Couselo, As Lagoas, e Universidade Laboral da cidade de Ourense, e IES Ribeiro, San Mamede, Allariz, Lagoa de Antela e Cidade de Antioquía, do resto da provincia.