Praza Maior 1        988 388 100

Atopar
Buscador Concello de Ourense

Cultura

Áreas

O Museo Municipal de Ourense mellorará a súa accesibilidade cun novo ascensor panorámico. As obras son executadas polo Concello de Ourense e a Xunta de Galicia co apoio dos Fondos Europeos 2014-2020, cun investimento total de 57.942,04 euros, incluindo o custe da dirección e coordinación das obras.

Os traballos comezaron o día 28 de decembro e teñen un prazo de execución de 6 meses. Dotarán ao espazo expositivo da rúa Lepanto dun ascensor panorámico que conectará os dous andares do museo e a pranta principal.

Trátase dunha obra moi importante para paliar a carencia en materia de accesibilidade que tiña o recinto xa que, ainda que a pranta principal estaba adaptada con rampas de acceso, faltaba un acceso axeitado aos dous andares superiores do edificio. Coa instalación do ascensor, quedará subsanada esta eiva.

Durante os seis meses que duran os traballos, o Museo Municipal permanecerá pechado ao público. Neste período tamén se aproveitará para acometer melloras na instalación eléctrica do inmoble e pequenos arranxos.

As obras execútanse ao abeiro da Orde do 21 de xullo de 2016 pola que se establecen as bases reguladoras que rexerán a concesión de subvencións aos concellos galegos, destinadas á mellora da accesibilidade nos edificios e espazos de uso público, cofinanciadas polo programa operativo Fondo Europeo de Desenvolvemento Rexional Galicia 2014-2020.

Información das obras (pdf)