Praza Maior 1        988 388 100

Atopar
Buscador Concello de Ourense

Cultura

Áreas

O Auditorio Municipal de Ourense acollerá esta semana, por terceiro ano consecutivo, catro espectáculos do Festival Xuvenil de Teatro Grecolatino. As obras “Medea” e “Hécuba” de Eurípides e “Pseudolus” de Plauto, esta en 2 ocasións, serán representadas ante 2.740 alumnos e alumnas de centros educativos galegos. Ourense será así punto de encontro co teatro para alumnos e alumnas de Ames, O Carballiño, Nigrán, Rois, Maceda, Padrón, Vigo, Ponteareas, Ribadavia, A Estrada, Viana, Pontevedra, Monforte, A Gudiña, entre outras (máis de vinte) localidades, ademais da propia cidade que se desprazarán a Ourense para asistir ás representacións.

 

Esta actividade está enmarcada no Festival de teatro Grecolatino que desde hai 17 anos se desenvolve nas principais cidades de España con orixe romana (Mérida, Itálica, Sagunto...). O certame está organizado en Galicia pola sección galega da Sociedade Española de Estudios Clásicos, un dos movementos culturais xuvenís que máis alumnado move en España (uns 70.000 cada año).

A Concellería de Educación do Concello de Ourense colabora co certame e organiza desde 2015 representacións na nosa cidade, aos que acoden mozos e mozas de toda Galicia, cun gran éxito de asistencia. De feito, no ano 2016 Ourense foi a cidade galega con maior participación.

Representacións

Esta semana, o Auditorio ourensán acollerá catro representacións;

  • Día 15 de marzo: (mércores)
    • 12:00 Medea de Eurípides , Grupo El Ruiseñor, A Coruña.
    • 17:00 Pseudolus de Plauto, Grupo Noite Bohemia, A Coruña
  • Día 16 de marzo: (xoves)
    • 12:00 Hécuba de Eurípides, grupo Noite Bohemia, A Coruña
    • 17:00 Pseudolus de Plauto, grupo Noite Bohemia, A Coruña

Asistirán como público un total de 2740 alumnos e alumnas de distintos centros de ensino das catro provincias galegas, que aproveitarán a viaxe para coñecer a nosa cidade. Unha cifra que superará tamén este ano ás outras 2 cidades galegas na que se celebra este festival.

Asociación de festivais de teatro grecolatino

A organización corre a cargo de PRÓSOPON, asociación de Festivais de Teatro Grecolatino que ten como obxectivo achegar, a través do teatro, o pensamento, a lingua e a cultura de Grecia e Roma aos máis xoves.

Para sacarlle o maior rendemento pedagóxico a esta experiencia, edita cada ano os títulos das obras representadas nos festivais, traducidas por profesorado de clásicas e acompañadas por unha unidade didáctica, para ser enviadas con antelación a cada un dos alumnos e das alumnas que se inscribiron.

O festival neste ano 2017 desenvólvese en Almedinilla, Baelo-Claudia, Balears, Carranque-Tarancón-Segóbriga, Catalunya, Clunia, Euskadi, Itálica, Lugo-Ourense-A Coruña, Málaga, Mérida, Sagunto e Zaragoza-Huesca,