Praza Maior 1        988 388 100

Atopar
Buscador Concello de Ourense

Cultura

Áreas

Presentación do primeiro concerto do Ciclo de Lírica

O festival abrirase coa gran diva internacional da ópera Cristina Gallardo Domas o vindeiro 24 de novembro, que estará acompañada ao piano por Juan Durán, un dos mellores compositores galegos da actualidade, e xuntos amosarán “Puentes de Amor”, os temas que compoñen o disco que grabaron o mes pasado na nosa cidade

Presentación do Cliclo Lírico de Ourense.

O sete de novembro foi presentado o Ciclo de Lírica, un dos produtos culturais máis singulares e especiais que pon en marcha o Concello de Ourense co inestimable apoio da Deputación e de Abanca.

Información sobre o magosto 2017

A cidade de Ourense celebra este sábado 11 de novembro, día de San Martiño, a súa festa popular con máis raigame, os Magostos, declarada festa de interese turístico.

Escola Municipal de Teatro

A Escola Municipal de Música e Teatro de Ourense, dependente da Concellería de Educación, acolle un ano máis no seu salón de actos o programa didáctico de danza contemporánea 'En Escena', moi demandado polos centros de ensino da cidade.

o violonchelista Leonard Elschenbroich.

Dous artistas internacionais darán continuidade á V tempada do Enclave de Cámara. O pianista Alexei Grynyuk e o violonchelista Leonard Elschenbroich actuarán xuntos no Teatro Principal de Ourense o xoves 2 de novembro.

Cartel do Samain 2017

A tradicional festa de fin do outono, o Samaín, celébrase en Ourense o martes 31 de outubro cun programa repleto de actividades para todos os públicos, pero especialmente dirixidas á cativada. “Pechamos un mes de outubro repleto de actividades culturais, pero desta vez levamos a cultura á rúa”, afirmaba Belén Iglesias, concelleira de Cultura. 800 cabazas (un cento máis que en 2016), obradoiros e un desfile polas rúas do Casco Vello da cidade son os ingredientes desta festa que os escolares xa traballan durante toda a semana nas aulas.

Presentación do concerto de Daniel Minimalia

O músico ourensán Daniel Minimalia regresa á súa cidade o domingo, 28 de outubro para presentar o seu novo disco "Orixe", nomeado este ano ao Grammy Latino como mellor gravación instrumental. A cita será no Auditorio, ás 21,00 horas. As entradas poderanse adquirir en Ataquilla.com e no despacho de billetes, desde 15 euros.

Cartel do Samain 2017

A festa do Samaín 2017, que se celebrará o vindeiro 31 de outubro nas prazas da nosa cidade, xa ten cartel. É obra de Juan Diego Ingelmo, deseñador gráfico afincado en Burriana (Castellón), cuxa proposta resultou a gañadora de entre as 19 presentadas na Concellería de Cultura.

Cartel da Exposición Choiva

O Museo Municipal (rúa Lepanto) ampliará a exposición Tempo, de Isabell Seidel, cunha nova serie de 25 acuarelas inspiradas na auga e na choiva. Logo de 4 meses dun éxito absoluto de visitas, tanto de veciños e veciñas da nosa cidade coma de turistas, contabilizáronse 4.129 entradas sen contar os grupos de escolares de diferentes idades e, en xeral, colectivos moi interesados polas obras de arte, especialmente pola obra da artista xermano-ourensá.

Entroido de Verán.

O vindeiro día 14 de outubro terá lugar a celebración do Entroido de Verán na cidade de Ourense. Coa finalidade de animar a persoas e grupos a participar nesta actividade, a Concellaría de Cultura, en colaboración coa Asociación Cultural Praza do Correxidor convocan un concurso de disfraces dotado con 1.425 euros en premios. As persoas interesadas poden inscribirse ata o día 9 de outubro, presencialmente ou a travñes de correo electrónico.